നഗോയ: ഏഷ്യൻ ഗെയിംസ് വനിതകളുടെ 400 മീറ്റർ ഹർഡിൽസിൽ ഇന്ത്യയുടെ വിത്യ രാംരാജിന് വെങ്കലം. 54.75 സെക്കൻഡിൽ ഫിനിഷ് ചെയ്താണ് വിത്യ മൂന്നാം സ്ഥാനത്തെത്തിയത്. മെഡൽ നേട്ടത്തിനൊപ്പം 42 വർഷം പഴക്കമുള്ള ദേശീയ റിക്കാർഡും താരം തിരുത്തി.
1984ലെ ലോസ് ആഞ്ചലസ് ഒളിമ്പിക്സിൽ പി.ടി. ഉഷ കുറിച്ച 55.42 സെക്കൻഡിന്റെ റിക്കാർഡാണ് വിത്യ മറികടന്നത്. ഫൈനലിൽ യുഎഇയുടെ മറിയം കരീം 54.31 സെക്കൻഡിൽ ഫിനിഷ് ചെയ്ത് സ്വർണം നേടി. കസാക്കിസ്ഥാന്റെ അദെലിന സെംസ് 54.58 സെക്കൻഡിൽ വെള്ളി സ്വന്തമാക്കി.
മലയാളി താരം അനു രാഘവൻ അഞ്ചാം സ്ഥാനത്താണ് ഫിനിഷ് ചെയ്തത്. പുരുഷന്മാരുടെ 400 മീറ്റർ ഹർഡിൽസിൽ ഇന്ത്യയുടെ തമിഴരശൻ സന്തോഷ് കുമാർ ഏഴാം സ്ഥാനത്താണ് ഫിനിഷ് ചെയ്തത്.